Ch'aghju dà pudè prigà
Nacqui à tempu à l'estru canterinu
Una storia mai compia pà a piuma estrosa
Di una vita firmata in piena spassighjata
Di una fiera casata si farà l'impruvisata

Casa antica d'un paisolu in cima à'a vignola
Cori di famiglia chi sdraminava l'avvena
A vigna luminosa stindia a so pampana
Sott'à pargula chi facia ritrattu di famiglia

Un omu hà postu a sumenta è po si n'hè smaritu
Sott'à u castagnu vicinu, pusatu in Paradisu
Lampava à i so figlioli i tistamenti machjaghjoli
Sopra i machjoni culuriti pà l'amori insischiti
Qualà a sunniata porta a nutizia
Di ssu locu ch'aghju fattu, oghji mi so staccatu
Oramai "spartimenti",prigharaghju inda me menti
Tribulata di u me campà ch'aghju da pudè prigà?

O à me moglia tant'amata
Hai spusata a sorti disgraziata
O figliuloni frutti d'amori
Di voi, mi ferma u sapori
Di i vostri basgii affiziunati
Pà sempri starani stampati

 

A muralità di tutta ssa cantatta
Hè quandu l'omu mora u ricordu porta
U surrisu eternu chi svintuleghja u velu
Di u passu francàtu versu voi, l'amori hè mandatu
Vi saraghju vicinu in st'avvena mischinu.

 

Paroddi è mùsica : Antoni Tramini 1999.