Lotta Moreschiera
Indi cucchi machjaghjoli,
da i paesi muntagnoli
Si senti chjuccà Ciccona,
cù a storia estrosa

Pà difenda a tarra santa,
era battaglia tamanta
Pà vincia spada sacra,
a feda era cara.

A l'assaltu di i surghjenti,
franchendu ancu l'orienti,
Un armata s'hè svighjata,
pà a tarra marturiata

L'ultima spassighjata, si ni và à l'abbughjata
l'antica cruciata, nant'à a strada di a Marana

Omi corsi appiccati,
paesi intrappulati
Populu missu in cavezza,
O tamanta amarezza

 

Si piglia tandu u curaghju,
pà un essa supranatu
San Micchè vi da a gloria,
Vescuvatu a vittoria

L'anghjuli vi dani l'armi pà caccià tuttu ssu mali
Pà tumbà senza rimorsu u morescu ch'ùn'hè corsu

Di a ghjesgia di Mariana ascosa à i fiuminali
A storia hè cantata pà ùn essa sminticata
Pà ùn essa sminticata

I suldati di a spirenza
si ni vani ind'a cuscenza
Mimoria tramandata
di l'eterna cruciata...


paroddi è mùsica : Antoni Tramini 1996