Timpesta

Nant'à i monti, mughja u tonu
U celu hè neru sin'à'a sera
Ci annuncia un calabronu
Chi s'hà da batti sott'à a tarra

I fraschi stampani ind'a furesta
Una vinuta furestera
Maria accendimi u focu
E cavemi a paghjola,

Ricantu :
Frateddu chi cerca agrottu
Ind'u fortu di a timpesta,
Sappia ch'ùn s'hè micca solu,
A me casa t'hè apparta.

I fiari baddani ind'u carminu
L'acqua indi baini pichjuleghja
Ti ferma dinù un longu caminu
Sta sera, amicu statini à vighjà


Spartaremi a nostra cena
Cum'eddi faciani l'antichi
Era tandu tempu di pena
Mà campavani cù principii :

Ricantu : Frateddu chi cerca agrottu

Calmati i timpurali
Rimittarei u to piloni
Accendarei u to fanali
Pà affruntà u bughjoni

Ditti bè chi oramai
Quali sia a staghjoni
Tempu di gioia o di guai
Ci hè a piazza à i zilioni

Ricantu : Frateddu chi cerca agrottu

 

Paroddi : A Vicinati - Mùsica : A Tramini 1985