11. À a Madonna si cheda
Tutti uniti ind'a prighera
"Lascèttilu passà,
Natali s'affaccarà !"

12. S'appronta la partenza
Privu hè la to sustenza
Petru, Aurelia è Manuedda
A to ànima hè niedda !

13. Si hè inchjudatu u destinu,
In stu locu latinu
L'omu sarà mitu
È u so cantu sarà ritu.

14. È lu pòsinu in bara
Estintu ind'a so carra
"Ùn mi lampeti à caternu
Chì sò vivu ab eternu !"

15. Oramai "Sintinedda"
Di cultura urfanedda,
Gran' Vaglia militanta,
Contru à quiddu chì sbanda !

16. T'aspèttani i suldati
Stefanu, Battì è l'antenati
S'appronta una veghja tremenda
"Cun tè Natali chì sè Legenda"…

A Schiera di Natale Luciani
1. Nantu à a strada affumacciata,
Duv'è l'ànima stacciata
Principia u so viaghju
Tali l'omu navrigaghju.

2. À principiu di dicembri
Chjocca mortoriu indi menti
L'amichi è li parenti
S'accòglini dulenti.

3. S'alzò tamantu scumpientu
Lu cantu nutizia di pientu
Si n'andava u mancinu lascendu
A chitarra in testamentu.

4. À a festa di a Nazioni
T'hà purtatu lu cascioni
Pà raghjunghja à la Cunsulta
Di l'Orezza tant'amata

5. Inìqua è crudeli
Cì lasci in cori u feli
Senza gherbu è cumpassioni
"Hai pigliatu à Nataloni".

 

Paroddi è mùsica : A.Tramini 2005.

6. O caru di Natali
Ti porta l'alma u fanali
Di la machja fù Duttrina
Contru à u Statu fù ruina.

7. Clandestinu affizziunatu
Ind'un scorru imprighjunatu
Sunniavi Pàtria Carnali
Drentu à l'aghja culturali.

8. Da Pasquali è l'antenatu
Di Ponte Novu fusti purtatu
À l'ombra di l'armata
Tù cantavi a sparata.

9. È lu cuddonu in Albitreccia
Induva si stacca è s'intreccia
A voci piatta ind'è l'avvena
Dicendu "Prestu aghju da rivena !"

10. Ind'a ghjesgia appaghjatu
Lu so corpu in catafalcu
Si codda in arghja,
U requiem aeternam.