Ghjungni l'anscimu, pà quiddu distinu,
adumbratu, adduluratu.
Stà bistraccendu sempri cantendu,

a vaglia corsa, a brama corsa.

S'addinochja a nazioni, in pettu à a passioni,
di l'omi valenti, di l'omi putenti.
L'omu briona, l'omu briona, sdraminendu è cantendu,
I rèquii puètichi, da sti voci antichi, da sti voci arditi
à l'ingressu di u tasseddu, à l'ingressu di u tasseddu.

 

Ricantu : Cunvugliendu l'ànima, raghjunghjendu a tarra,
ind'è a so ùltima arca.
Aspetta u capurioni mezu à u cimiturioni,
briunendu l'innu.

briunendu l'innu :
Ghjinnaghju malamorti,
ghjinnaghju malasorti,
Ghjinnaghju malamorti.

Ghjinnaghju malasorti

Culà, culà, si n'hè andata, scunsulata, arrabiata,
L'alma clandestina, l'alma svanita, di 'ssu suldatu persu,
di 'ssu suldatu persu…

Achigliendu, achigliendu in stu campu, in stu campu,
Dunde s'impòstani, pavimenti armati, pateni suttenati,
s'accòglini i suldati, s'accòglini i suldati.

Ricantu : À u nomi di a Pàtria, s'affàccani l'addulati,
in l'ombra di st'armati, disfatti è pruclamati
Morti è vivi adduniti, sottu à l'alfieri intimuriti.

Bazzica u ricordu, ind'a menti umana, ind'a menti indiata
In sta tarra tanta amata, tanta addisperata,
cusì scuzzulata, cusì tribariata.

Mentri chì massi fèssini l'arresu, à l'usu francesu, à l'usu francesu.
Stà cunsumendu, sempri luttendu.
l'ùltima brasgia, l'ùltima brasgia,
di veglia patriotta, di veglia patriotta.


Ricantu : In sta notti, in sta notti, Ghjinnaghju malamorti
Si ni và un ghjuvanottu, Com'è Stefanu cusì notu
È Ghjuvan Battistu cusì rittu, in stu dolu mai finitu

Paroddi è mùsica : A.Tramini 2006.